Navigation menu

联系我们

尹诗沛(Nicole)现身电视城出席「9月星辰」生日会,更抽中多份礼品,满载而归。「今年又太一岁,真喺唔想咁快大呀,今日咁啱又喺我同男朋友拍拖7周年纪念日,庆祝完呢度我又要赶下场陪男朋友,夜晚会去食饭庆祝浪漫一番。」

《十八年后的杀人告白》今日煞科,Nicole在戏中饰演一名「市井」猪肉婆,对於平时一向冇去开街市买餸煮饭嘅Nicole嚟讲,真喺叫苦连天。「喺拍摄前一日,走咗去猪肉档学做猪肉婆,要师傅教我点揸刀,自己本冇掂过啲生嘅肉,当要我用隻手去揸住啲生肉,个心挣扎左好耐,觉得好核突,喺练刀法嘅时候,被把刀撞伤咗右手指骨肿哂,事后要睇跌打疗伤。」

无线重头剧《再创世纪》,上月低率先在爱奇艺及央视电视剧播放,香港观眾要等到9月10日先有得睇。Nicole在剧中《再》饰演「富二代」经常沟仔换画,更有多场亲热戏。「试过有个PA,传咗我同个男model在车震激吻剧照畀我,我拍完戏唔记得删除,返到屋企畀我男朋友睇到,发哂脾气,问我点解同个鬼佬做埋呢啲咁嘅嘢,唔信我个啲喺剧照,仲话我出去偷食,嬲咗我好耐,套剧出咗街后,佢个心先定番落嚟。」